Каныш-Кыя айыл аймагына караштуу Башкы-Терек айылындагы «Айчубак» мектепке чейинки билим берүү уюмунда жылытуу системасын жаңылоо иштери жүрүп жатат.
Бул бакча үч корпустан тургандыктан, биринчи жана экинчи корпустарын кыш мезгилинде жылытууга кыйынчылык жаралып келген. Өзгөчө биринчи корпуста жылуулук 10 градуска араң жеткенинен кошумча электр жылыткычтарын колдонушкан. Ушундай кыйынчылыктан чыгуу максатында мурдагы үч от жагылуучу печканын ордуна эки печка орнотулуп, жылытуу системалары жаңыланууда. Бүгүнкү күндө биринчи жана экинчи корпустарында толугу менен жаңыланып, от жагылып, текшерүү дөн өткөрүлдү.
Учурда үчүнчү корпуста алмаштыруу иштери жүрүп жатат.
Жылытуу системасын жаңылоого кеткен акча каражаты айыл аймактын жергиликтүү бюджетинен каржыланып жатат.